Stefnumót sviðslista- og skólafólks laugardaginn 24. apríl klukkan 10 – 14
Leiklistarsamband Íslands og Barnamenningarhátíð í Reykjavík 2010 standa sameiginlega að þessu málþingi þar sem stefnt verður saman listafólki, kennurum og öðrum áhugasömum um sviðslistir og skólastarf.
Staðsetning: Víkin-Sjóminjasafnið Grandagarði 8, 101 Reykjavík.
Málþingið er ókeypis og opið öllum.
Skráning er möguleg á Fésbókarsíðu viðburðarins:
http://www.facebook.com/allir á svið
VIÐFANGSEEFNI:
Börn og sviðslistir
Ættu öll íslensk börn að fá tækifæri til að stunda og njóta sviðslista sem hluta af sinni skólagöngu?
Er hugsanlegt að aukin áhersla á greinar eins og leiklist og dans geti svarað kalli samtímans eftir fjölbreyttara skólastarfi og áherslu á skapandi og gagnrýna hugsun?
Þingið er í formi nokkurra örstuttra erinda sem öll varpa ljósi á stöðu sviðslista í íslenskum skólum og barnamenningu. Hverju erindi lýkur á spurningu til fundarins.
Frummælendur þingsins eru:
Peter Anderson, dansari.
Pétur Eggerz frá Möguleikhúsinu.
Soffía Þorsteinsdóttir, leikskólastjóri á Sæborg og formaður Faghóps
listgreinakennara í leikskólum ásamt Arndísi Gísladóttur kennara.
Arnfríður Sólrún Valdimarsdóttir, verkefnastjóri hjá Reykjavíkurborg.
Ólafur Guðmundsson, leiklistarkennari í Hlíðaskóla og félagi í FLÍSS (Félagi
um leiklist í skólum).
Vigdís Jakobsdóttir frá Fræðsludeild Þjóðleikhússins.
Þátttakendur málþingsins ræða spurningar frummælenda í litlum hópum og gera í kjölfarið sameiginlegar tillögur að vegvísum til framtíðar. Leiklistarsambandið mun að málþingi loknu koma þessum vegvísum til þeirra aðila sem geta haft áhrif.
Mögulegt verður að kaupa súpu og kaffiveitingar á vægu verði á staðnum.