Stjórnarfundur, 7.janúar 2010.

Nýir stjórnarmeðlimir

Þetta var fyrsti stjórnarfundurinn með nýjum meðlimum þeim Sjón og Hrafnhildi Hagalín og var gleðilegt að fá þá góðu höfunda með okkur í stjórnina.

Stjórnarseta BÍL

Rætt var um fulltrúa stjórnar félagsins í stjórn BÍL og ákveðið að Bjarni og Hávar myndu skipta þeim fundarsetum á milli sín.

Handritshöfundar – samningar

Rætt um að bjóða til sérfundar fyrir kvikmynda og sjónvarpshandritshöfunda til að  ræða samningamál.

Heimasíðan

Rætt var um að hvetja félagsmenn til að láta vita þegar þeir frétta eitthvað innan geirans og koma því inn á heimasíðuna.

Bókamessan í Frankfurt og handrit

Rætt um fund Hávars og Bjarna með Halldóri Guðmundssyni sem sér um Íslandsmál vegna bókamessunnar. Halldór vildi að öll leikskáld sem hafa fengið 2 eða fleiri verk sýnd í atvinnuleikhúsum hér á landi myndu senda inn nöfn verka sinna ásamt upplýsingum um þýðingar. Þessar upplýsingar þurfa að berast í janúar. Ákveðið var að senda félögum netpóst varðandi þetta mál.

Myndataka

Rétt áður en allir drifu sig út í hversdaginn aftur tók sonur Hávars mynd af stjórninni.

Fundi slitið.